The Philippine Discussions Community Website 

COVID-19: Stay Home!


Get the latest information from the PHD about COVID-19. DOH: https://www.doh.gov.ph/2019-nCoV and WHO Tracker: https://who.sprinklr.com/
Topic Reactions
Topic Contributors
  • User avatar
 #405  by Beshee
 
Ano ba ang magandang laman ng First Aid Kit natin sa bahay? Siyempre dapat may alcohol, gasa, gunting, ice bag at cotton balls. May mga gamot din na laging ginagamit tulad ng (1) paracetamol para sa lagnat, (2) mefenamic acid para sa mga kirot sa katawan, (3) carbocisteine para sa ubo, (4) amoxicillin para sa mga impeksyon sa katawan, (5) loratadine para sa allergy at (6) burn ointment para sa paso.

May payo din ako tungkol sa mga pangkaraniwang sakit at sakuna.

1. Pagtatae
Bigyan ng Oresol ang bata. Kung wala nito ay magtimpla ng 1 basong tubig, 2 kutsaritang asukal at ¼ kutsaritang asin. Painumin ito sa bata. Puwede din gamitin ang “am,” yung tubig ng sinaing at lagyan ng konting asin. Makakatulong ito para mapalitan ang nawalang tubig sa nagtataeng bata. Napakahalaga po ito. Kapag ayaw nang uminom o kumain ang bata, dalhin agad sa ospital. Tandaan, maghugas lagi ng kamay pagkatapos gumamit ng banyo.

2. Napaso
Ilubog agad sa ice or cold water and napasong parte. Kung walang yelo, puwedeng itapat sa aircon o idikit sa malamig na bote. Huwag lagyan ng kamatis o toothpaste ang napaso. Maling akala po ito. Lagyan na lang ng burn ointment na mabibili sa botika. Pagkatapos, takpan ng malinis na gasa ang sugat. Kapag nagka-blister ang sugat, huwag turukin ito at baka ma-impeksiyon. Hayaang kusa na lumiit at pumutok ang paso.

3. Pumasok na insekto o bagay sa tenga o ilong.
Dalhin ang bata sa ospital. Huwag piliting ipasinga ang bagay at baka lalung lumalim ito. Huwag din gamitan ng cotton buds, dahil mas papasok sa loob ng tainga ang bagay. Kung hindi maingat, puwede pang mabutas ng cotton buds ang ating ear drum. Huwag mag-experimento. Kumonsulta sa doktor.

4. Nakalulon ng bagay
Kung maliit na bagay ang nalunok, tulad ng holen, butones, barya, ay puwedeng obserbahan lang ang bata. Kapag sumakit ang tiyan ay dalhin sa ospital. Ngunit kung matulis ang nalunok na bagay tulad ng pardible, ay dalhin agad sa ospital para masuri ng doktor.

5. Napuwing ang mata
Hugasan ang mata sa running water para matanggal ang puwing. Kung may kasamang marunong, puwede ring gumamit ng basang cottonbuds para maalis ang puwing. Puwede din obserbahan muna ang puwing dahil may sariling paraan ang ating mata na magluha at mailabas ang puwing. Kapag ayaw mawala ang puwing, kumonsulta sa isang Emergency Room o espesyalista sa mata.